तुझी सुंदरता मराठी कविता....

                              अंधार फार झाला

थोडा उजेड ठेवा अंधार फार झाला
पणती जपून ठेवा  अंधार फार झाला

आले चहु दिशांनी तुफान विस्मृतीचे
नाती जपून ठेवा अंधार फार झाला

काळ्या ढगात वीज आहे पुन्हा टपून
घरटी जपून ठेवा अंधार फार झाला

हे गोठतील श्वास शिशिरातल्या हिमात
ह्रदये जपून ठेवा अंधार फार झाला

वणव्यात वास्तवाच्या होईल राख त्यांची
स्वप्ने जपून ठेवा अंधार फार झाला

हे  वाटतील परके आपुलेच श्वास आता
हातात हात ठेवा अंधार फार झाला

शोधात कस्तुरीच्या आहेत पारधी हे
हरणे जपून ठेवा अंधार फार झाला

बाजार हा फुलांचा येथे फुलेच विकती
कलिका जपून ठेवा अंधार फार झाला

ह्रदयात पाळलेल्या जखमातुनीच आता
कंदील एक लावा अंधार फार झाला

       तू गेली तेव्हा

by satyam badgujar | posted: 3/12/2018 

तू गेली तेव्हा रिमझिम

पाऊस निनादत होता

श्वासाच्या अधरावरती

मन झोका घेत होता

तू गेली तेव्हा रिमझिम

पाऊस निनादत होता

प्रेमाच्या त्या विरहात

मन हेलकावत होता

तू गेली तेव्हा रिमझिम

पाऊस निनादत होता

अंधाराच्या त्या झगमग तारा

झुळूक घालती मृगजळ वारा

तू गेली तेव्हा रिमझिम

पाऊस निनादत होता

आकाशाच्या मृदगंध सारा

झुळझुळ वाहे ओढा ओला

तू गेली तेव्हा रिमझिम

पाऊस निनादत होता

प्रेमाच्या त्या प्रतिकासाठी

मन भावनाविष होता..

हात तुझा हाती होता

by satyam badgujar | posted: 3/12/2018 |

हात तुझा हाती होता..

काहीच फरक नाही पडला..

मृत्यु उभा माझ्या दारी होता..

बस..हात तुझा हाती होता..

प्रत्येक श्वास तुझ्या मिठीतला..

... माझ्यासाठी खास होता..

बस.. हात तुझा हाती होता..

डोळ्यांतुन ओघळलेला थेंब

माझ्यावरच्या प्रेमाची साक्ष होता

बस..हात तुझा हाती होता..

तो रुसलेला ओला रुमाल..

पाऊले मागे फिरताना हसला होता

बस..हात तुझा हाती होता..

क्षणांत वाढणारे अंतर पण..

श्वासांत तुझाच दर्प होता

बस..हात तुझा हाती होता..

प्राण नेण्या मृत्यु चुकला होता..

वचनांच्या बंधनात बहुदा फसला होता

बस..हात तुझा हाती होता..

प्रेम हे असच असत

by satyam badgujar | posted: 3/12/2018 

प्रेम हे असच असत....

करताना ते कळत नसत आणि

केल्यावर ते उमगत नसत...

उमगल तरी समजत... नसत पण

आपल वेड मन आपलच ऐकत नसत...

 प्रेमाची भावनाच खूप सुंदर असते

ती फक्त त्या दोन जीवांनाच माहित असते.

लोक म्हणतात काय असत प्रेमात..

पण मी म्हणतो करून बघा एकदा..

काय नसत प्रेमात...?

प्रेम हे सांगून होत नसत...

मित्रानो ते झाल्यावरच कळत असत..

दोन जीवांना जोडणारा तो 

एक नाजूक धागा असतो...

दोन हृदयांची स्पंदने एकमेकांना 

ऐकवणारा एक भाव असतो...

प्रेमाची परिभाषाच खूप वेगळी असते...

दोन शब्दात ती कधीच समजत नसते ....

म्हणूनच प्रेम हे असच असत

पण ते खूप खूप सुंदर असते.

जीवनात नाती

by satyam badgujar | posted: 3/12/2018 

जीवनात नाती तशी

अनेकच असतात,

पण ती जपणारी लोक

फार कमीच असतात......|

काही नाती असतात रक्ताची,

तर काही हृदयाची......|

काही नाती असतात जन्मो-जन्मीची,

तर काही.. ' काही क्षणापुरतीची '.......|

काही नाती असतात,

केसांसारखी न तुटणारी,

पण वेळ आलीच तर वाकणारी.....|

काही नाती असतात,

लांबुनच आपले म्हनणारी,

जवळ गेल्यावर मात्र दूर करणारी.....|

काही नाती असतात,

पैशाने विकत घेता येणारी,

तर काही प्रेमाने आपलेसे करणारी......|

काही नाती असतात,

न जोडता सुद्धा टिकणारी,

तर काही जोडून सुद्धा तुटणारी.........

प्रेम काय असत?

by satyam badgujar | posted: 3/12/2018 |

एका मुलीने ने देवाला 

विचारलं प्रेम काय असत?

देव म्हणाला बागेतून एक फुल घेवून ये.

ती मुलगी फूल आणायला गेली ,

तिला एक फूल आवडल,

पन तिला त्यापेक्षा सुंदर फूल हव होत ,

ती पुढे चालली गेली ,

पण तिला चांगल फूल नाही मिळाल ,

जेव्हा ती परत तेच फूल आणायला गेली ,

तेव्हा ते फूल तिथे नव्हत ,

तिला खूप पश्चाताप झाला ,

तिने देवाला येऊन सांगितलं , तेव्हा देव म्हणाला ,

"हेच आहे प्रेम"

जेव्हा प्रेम तुमच्याजवळ असत .

तेव्हा त्याची कदर नाही करत ,

पण जेव्हा ते निघून जाते तेव्हा कळते ते.....